Казан балаларын һәм яшүсмерләрен «Күңелле җәй» көтә

Каникуллар вакытында шәһәрдә калачак балалар өчен социаль проект старт алды.

(Казан шәһәре KZN.RU, 3-нче июнь, Ксения Швецова). Казанда 1-нче июньнән «Күңелле җәй» социаль проекты старт алды. Балалар өчен җәй дәвамында паркларда, скверларда, яшүсмерләр клубларында һәм ишегалды мәйданчыкларында төрле күңел ачу һәм танып-белү чаралары - уеннар, конкурслар, ярышлар, мастер-класслар, концертлар, флешмоблар һәм башка бик күп чаралар үткәреләчәк. Бу хакта бүген эшлекле дүшәмбе вакытында Балалар һәм яшьләр эшләре комитеты рәисе Айрат Фәизов сөйләде.

Җәй көне шәһәрдә калачак балалар өчен «Күңелле җәй» проекты чын бүләк булачак. Теләгән һәркем проектның бер мәйданчыгына килеп, түләүсез нигездә күңеленә ошаган шөгыльне сайлый, вакытын кызыклы итеп үткәрә, нинди дә булса яңа һәм кызыклы әйбергә өйрәнә алачак. «23 яшүсмер-яшьләр клублары һәм үзәкләре базасында, ишегалды мәйданчыкларында, паркларда һәм скверларда дәресләр, мастер-класслар, спорт һәм иҗатның төрле юнәлешләре буенча очрашулар һәм тренинглар үткәреләчәк, - дип сөйләде А.Фәизов.

«Күңелле җәй» проекты кысаларында үткәреләчәк чараларның тулы программасы KZN.RU порталында соңрак урнаштырылачак .

Исегезгә төшерәбез, быел Казанның 40 меңнән артык укучысы балалар лагерьларында, шул исәптән мәктәп яны лагерьларында ял итәчәк. Җәйге чорда 30 265 кешене оештырылган ял белән тәэмин итү планлаштырыла.