Казан автомобильчеләрен һава шартларының начараюы турында кисәтәләр

Республикада карлы яңгыр, томан, бозлавык һәм буран көтелә.

(Казан шәһәре KZN.RU, 18-нче ноябрь.) 19-нчы ноябрьдән Татарстан территориясендә температураның тискәре күрсәткечләргә кадәр түбәнәюе, җилнең көчәюе, урыны белән көчәйгәндә 15-17 метрга кадәр җитүе, томан һәм буран көтелә. Юлларда бозлавык булуы ихтимал, ул транспорт чарасы белән идарә итүне кинәт югалтуга китерергә мөмкин. Татарстан Республикасы буенча Эчке эшләр министрлыгы Дәүләт автоинспекциясе барлык автомобильчеләргә юлда игътибарлы булырга киңәш итә.

Машина йөртүчеләргә катлаулы юл-метеорология шартларында юл хәрәкәте иминлеген тәэмин итә торган тизлекне сайларга, шулай ук каршы як юлга чыгу белән бәйле куркыныч маневрлардан тыелып торырга киңәш ителә. Эстакадалар, күперләр һәм юлүткәргечләр аша узганда аеруча сак булырга кирәк, чөнки нәкъ менә шушы урыннарда боз катламы барлыкка килү ихтималы зур. Һава торышы начарайган очракта, казанлыларны җәмәгать транспортыннан файдаланырга һәм кирәксезгә шәһәрдән читкә чыгудан тыелып торырга өндиләр.

Исегезгә төшерәбез, иртәгә Татарстанда һәм аның башкаласында һава торышының начарлануы фаразлана. ТР башкаласында һава температурасы минус 10 градуска кадәр төшәчәк.

Шулай ук укыгыз

Барлык яңалыклар