Казан чыгарылыш укучылары дәүләт хезмәтләре порталы аша югары уку йортына укырга керүгә документлар бирә ала

Яңа сервиска 54 Россия югары уку йорты кергән.

(Казан шәһәре KZN.RU, 23-нче июнь). Казан чыгарылыш укучылары РФ дәүләт хезмәтләре порталы аша югары уку йортына укырга керү өчен документлар бирә ала. «Югары уку йортына онлайн укырга керү» дигән яңа сервиста 54 Россия мәгариф учреждениесе, шул исәптән Казан дәүләт аграр университеты бар.

Яңа функция абитуриентларга үз вакытларын шактый янга калдырырга, кабул итү комиссияләренә шәхсән үзе йөрүдән коткарырга мөмкинлек бирәчәк. Моннан тыш, килеп туган санитар-эпидемиологик вәзгыять шартларында социаль багланышлар минимальләшә.

Дәүләт хезмәтләре порталында электрон гариза тутырырга, кызыксындырган югары уку йортын сайларга, БДИ тапшыру планлаштырылган предметларны күрсәтергә (алар буенча баллар автомат рәвештә университетларга тапшырылачак), мәгариф һәм шәхси казанышлар турындагы документларның күчермәләрен йөкләргә кирәк.

Гаризаның статусын һәм конкурс исемлекләрен порталда шәхси кабинетта күзәтергә мөмкин. Моннан тыш, кулланучыларның электрон почтасына югары уку йортларыннан хәбәрләр килә (документлар күчермәләрен алыштыру кирәклеге турында, өстәмә керү сынаулары турында мәгълүмат һәм башкалар).

Югары уку йортына укырга кабул ителгәндә абитуриентка дәүләт хезмәтләре порталыннан электрон почтага яки шәхси кабинетка хәбәр киләчәк, дип хәбәр итә ТР саннар министрлыгы матбугат хезмәте.

Шулай ук укыгыз

Барлык яңалыклар