Казан ветеринария студентлары Кара диңгез яр буендагы кошларны реабилитацияләргә ярдәм итәләр

Волонтерлар тәүлек буе эшли

Н.Э.Бауман исемендәге Казан дәүләт ветеринария медицинасы академиясе студентлары Краснодар краенда нефть продуктлары агызу нәтиҗәләрен бетерүдә катнашуларын дәвам итәләр. Волонтерлар кошларны тәүлек буе реабилитациялиләр.

Казанның 15 студентыннан торган төркем ирекле отряд составына кергән. Волонтерлар төркемнәргә бүленгән, канатлыларны тернәкләндерү тәүлек буе бара.

Сигез волонтер «Полярные зори» тернәкләндерү үзәгенә беркетелгән. Ветеринария студентлары беренчел кабул итү үткәрәләр һәм кошларның халәтен тотрыклыландырырга ярдәм итәләр.

Хәзерге вакытта үзәктә 51 кош бар. Алар арасында: зур күлбога, гагаралар (кара түшле һәм кызыл түшле), акчарлаклар (елга акчарлагы, көмеш акчарлак, күк акчарлак) һәм башкалар. КДВМА студентлар советы рәисе Ксения Агапова ачыклык керткәнчә, волонтерлар еш кына зур поганка белән хезмәттәшлек итә.

Кошларның хәле яхшырганнан соң аларны штабка җибәрәләр, анда волонтерларның калган төркеме – КДВМА студентлары – аларны әйләнә-тирә мохиткә әзерлиләр, реабилитациялиләр. Барлык нокталарда да эш процессы тәүлек буе бара, смена 8 сәгать дәвам итә. Мисал өчен, «Полярные зори» тернәкләндерү үзәгендә Ксения Агапова 16:00 дән 00:00 гә кадәр эшли.

«Безнең студентларга ярдәм итәргә омтылулары өчен зур рәхмәт белдерәм, иң яхшы студентлар», – диде KZN.RU хәбәрчесенә Ксения Агапова.

Иреклеләр отрядына барлыгы 35 кеше, шул исәптән Яшел Үзән, Мамадыш һәм Түбән Кама уку йортларыннан студентлар кергән. Ир-атларны яңа кошчыклар төзүгә һәм яр буе линиясен мазуттан чистартуга җәлеп иткәннәр.

Исегезгә төшерәбез, Татарстан башкаласыннан иреклеләрнең беренче отряды узган атнада Кара диңгез ярына китте. Аларның ирекле экспедициясе 14 көн дәвам итәчәк.

Шулай ук укыгыз

Барлык яңалыклар