Казан спортчылары Ишкәкле спорт буенча Россия кубогы җиңүчеләре һәм призерлары булды

Турнир 1 нче июльдән 4 нче июльгә кадәр ТР башкаласында узды.

Фото: ТР Спорт министрлыгы

(Казан шәһәре KZN.RU, 5 нче июль). Казан спортчылары Ишкәкле спорт буенча Россия кубогы җиңүчеләре һәм призерлары булдылар. Турнир Татарстан башкаласында 1 нче июльдән 4 нче июльгә кадәр узды.

Ярышларда республика җыелма командасын 14 спортчы тәкъдим итте, шуларның 9 ы – Казанның Ишкәкле спорт төрләре мәктәбендә тәрбияләнүчеләр. Полина Мухорчева һәм Дарья Клетенкова 2 км дистанциягә парлап йөзү буенча финал ярышларында җиңделәр. Спортчылар Айсылу Минһаҗева һәм Денис Чернов җитәкчелегендә шөгыльләнәләр. Ялгыз ишкәкләү финалында Казан спортчысы Артем Косов 2 км дистанциядә өченче урын алды. Ул Айсылу Минһаҗева җитәкчелегендә шөгыльләнә.

200 метрга спринтер дистанциясендә ялгыз узышлар ярышларның өстәмә программасы булды, аларның нәтиҗәләре буенча Артем Косов бронза медаль яулады, дип хәбәр иттеләр Казан Башкарма комитетының Физик культура һәм спорт комитетында.

Исегезгә төшерәбез, турнир Ишкәкле спорт төрләре үзәгендә узды. Ул бөтен илдән 350 иң көчле ишкәкчене берләштерде, алар арасында 2020 елгы Олимпия уеннарының көмеш призерлары Анна Пракатень һәм Елена Орябинская, шулай ук Токия олимпиадасы финалисты, ишү буенча дөнья чемпионы-индор Александр Вязовкин да бар иде. Ярышлар планы 2024 елгы Олимпия уеннары программасына якынайтылды. Турнир Россия спортчылары өчен сезонның төп старты булды.

Шулай ук укыгыз

Барлык яңалыклар