Казан спортчылары брейкинг буенча Россия чемпионнары булдылар

Нәҗип Миникаев, Павел Мухин һәм Евгений Первушкин җиңү яуладылар.

Фото: Бөтенроссия бию спорты һәм акробатик рок-н-ролл федерациясе

(Казан шәһәре KZN.RU, 18 нче апрель). Казанлылар брейкинг буенча Россия чемпионаты һәм беренчелеге призерлары булдылар. Илнең 59 төбәгеннән 1 меңнән артык спортчы катнашындагы ярышлар 14-16 нчы апрельдә Мәскәүдә узды.

Ир-атлар һәм хатын-кызлар арасында «брейкинг-команда ярышлары» дисциплинасында казанның Original People командасы вәкилләре Нәҗип Миникаев, Павел Мухин һәм Евгений Первушкин җиңү яулады. Шул ук вакытта Нәҗип Миникаев 19 яшьтән өлкәнрәк ир-атлар арасында «брейкинг» дисциплинасында көмеш медаль яулады.

ТР башкаласыннан тагын бер спортчы Андрей Лапшинов 10-12 яшьлек малайлар арасында бронза медаль алды, анда беренчелек өчен 200 дән артык кеше көрәште. Иң көчле бишлеккә шулай ук Урал Уразаев (4 нче урын) һәм Әмир Закиров (5 нче урын) керде.

Балалар Александр Шаталов җитәкчелегендә Казанның Original People мәктәбендә шөгыльләнә. Ярышларның соңгы көнендә тренерга Россиядә брейкинг үсешенә керткән өлеше өчен мактау грамотасы тапшырылды, дип хәбәр итә ТР Акробатик рок-н-ролл һәм заманча спорт биюләре федерациясе.

Шулай ук укыгыз

Барлык яңалыклар