Казан спортчылары стендка ату буенча халыкара гран-при медальләрен яулады

Турнир 23-26 май көннәрендә Финляндиянең Лахти шәһәрендә узды.

(Казан шәһәре KZN.RU, 27-нче май). Казан спортчылары - яшүсмер кызлар стендка ату буенча халыкара гран-прида алтын һәм бронза медальләр яуладылар. Турнир 23-26 май көннәрендә Финляндиянең Лахти шәһәрендә узды.

Беренче урын - Полина Князевада. Квалификациядә ул 107 тапкыр мишеньгә атып тидерде, ә алтын матчта фин кызы Сара Нуммела җиңде. Татьяна Саранская программаның бу төрендә бронза медаль яулады.

Татарстанның башка спортчылары да гран-приның призлы урыннарына лаек булды. Әйтик, Геннадий Мамкин ир-атлар арасындагы ярышта – «көмеш», ә Зилә Батыршина хатын-кызлар арасында «бронза» медаль яулады.

Лахтидагы турнир Италиядә узачак яшүсмерләр арасындагы дөнья беренчелегенә сайлап алу этапларының берсе булды, дип хәбәр итә ТР Спорт министрлыгы матбугат хезмәте.

Шулай ук укыгыз

Барлык яңалыклар