Казан укучылары рус әдәбияты буенча республика олимпиадасында җиңү яулады

Казан укучылары рус әдәбияты буенча республика олимпиадасында җиңү яулады

<p> <img width="870" src="https://www.kzn.ru/upload/iblock/55f/MMB_0260.jpg" height="653"><br> </p> <p> (Казан шәһәре KZN.RU, 7-нче февраль). Казанның дүрт укучысы туган (рус булмаган) телдә белем бирелә торган мәктәп укучылары өчен рус әдәбияты буенча республика олимпиадасының йомгаклау этабында җиңүчеләр бишлегенә керде. 4-6-нчы февральдә узган олимпиадада Татарстанның 36 муниципаль районыннан 7-11-нче сыйныфларда белем алучы 138 укучы катнашты. </p> <p> Катнашучыларга өч язма бирем башкарырга – тарихи-әдәби һәм теоретик-әдәби белемнәрне күрсәтергә, шигъри текстка тулы анализ ясарга һәм тәкъдим ителгән өзек буенча авторны һәм әсәрнең исемен билгеләргә тәкъдим ителде. </p> <p> Олимпиаданың йомгаклау туры нәтиҗәләре буенча җиңүчеләр исемлегенә Вахитов районының 27-нче номерлы гимназиясенең 7-нче сыйныф укучысы Герда Галеева, Совет районының 175-нче номерлы мәктәбенең 9-нчы сыйныф укучысы Алия Зәйнуллина, Киров районының 4-нче номерлы гимназия-интернатының 10-нчы сыйныф укучысы Алинә Миңнебаева һәм Мәскәү районының 34-нче номерлы мәктәбенең 11-нче сыйныф укучысы Алсу Ваһапова керде. </p> <p> Республиканың 34 муниципаль районыннан 63 укучы призер булды, дип хәбәр итә ТР Мәгариф һәм фән министрлыгының матбугат хезмәте. </p>

2020-02-07T13:17:00+0300