Казан укучылары «Күн туп» бөтенроссия ярышларының финалында көмеш медаль яуладылар

Җиңү өчен илнең 16 төбәгеннән командалар көрәште

Фото: Денис Гордийко

(Казан шәһәре KZN.RU, 20 нче сентябрь). Казанның 179 нчы гимназиясеннән «Сандугач» командасы «Күн туп» бөтенроссия яшь футболчылар ярышларының финалында икенче урынны яулады. Ярышлар 12-19 нчы сентябрьдә Волгоград өлкәсендә узды.

Казанлылар 2010-2011 елларда туган малайлар арасында төркемдә көмеш медаль яулады, ә ТР башкаласы вәкиле Артем Зуев турнирның иң яхшы капкачысы булды. Җиңү өчен илнең 16 төбәгеннән командалар көрәште, дип хәбәр итә Татарстан Спорт министрлыгы матбугат хезмәте.

Исегезгә төшерәбез, күптән түгел 179 нчы гимназия укучылары ярышларның шәһәр этабында урта яшь төркемендә иң яхшылары булды. Турнирны ачу тантанасында Дәрвишләр бистәсендәге «Ракета» стадионында Татарстан Республикасы Рәисе Рөстәм Миңнеханов һәм Казан Мэры Илсур Метшин да катнашты.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар