Казан укучылары экология буенча бөтенроссия олимпиадасында җиңүчеләр булдылар

Казан укучылары экология буенча бөтенроссия олимпиадасында җиңүчеләр булдылар

<p> </p> <div class="detail-picture"> <img src="https://kzn.ru/upload/iblock/344/IMG_1934.JPG"> <p class="detail-picture__caption"> Фото: Казан шәһәре KZN.RU </p> </div> <p> (Казан шәһәре KZN.RU, 15-нче апрель). Берьюлы Казанның берничә укучысы экология буенча бөтенроссия олимпиадасында җиңүчеләр булды. Конкурсның йомгаклау этабы 7-нче апрельдән 10-нчы апрельгә кадәр Ставропольдә Төньяк Кавказ федераль университетында узды. </p> <p> Укучыларга 2 тур узарга кирәк иде – теоретик һәм проект. Интеллектуаль сынауда илнең 69 төбәгеннән 300-дән артык укучы катнашты. Татарстаннан 36 кеше катнашты – Казан һәм Чаллы, шулай ук Бөгелмә һәм Яшел Үзән районнары укучылары. </p> <p> Олимпиадада Казаннан өч укучы кыз җиңү яулады: Вахитов районының инглиз телен тирәнтен өйрәнүче 18-нче номерлы урта гомумбелем бирү мәктәбе укучысы Екатерина Бородачева (9-нчы сыйныф), Совет районының аерым фәннәрне тирәнтен өйрәтүче 86-нчы номерлы урта гомумбелем бирү мәктәбе укучысы Юлианна Ягафарова (9-нчы сыйныф), Совет районының 126-нчы номерлы гимназиясе укучысы Александра Наживина (11-нче сыйныф). Тагын 14 Казан укучысы олимпиада призерлары булды, дип хәбәр итә ТР Мәгариф министрлыгы матбугат хезмәте </p> <p> Йомгаклау этабында җиңүчеләр һәм призерлар дипломнары булганнар илнең теләсә кайсы вузына олимпиада профиленә туры килә торган юнәлеш буенча имтиханнарсыз керә алачак. </p>

2021-04-15T13:00:20+0300