Казан укучылары химия буенча бөтенроссия олимпиадасының республика этабында җиңү яулады

Казан укучылары химия буенча бөтенроссия олимпиадасының республика этабында җиңү яулады

<p> (Казан шәһәре KZN.RU, 18-нче гыйнвар). Казан укучылары химия буенча бөтенроссия олимпиадасының республика этабында җиңү яулады. Алар Татарстанның 20 муниципаль районыннан 8-11 сыйныфларда белем алучы 150 укучы арасында иң яхшылар рәтендә.<br> </p> <p> Химия буенча олимпиада ике турда узды: теоретик һәм практик. Олимпиадада катнашучылар химиянең төп бүлекләре буенча биремнәр үтәделәр: органик, органик булмаган, физик, аналитик, шулай ук аның махсуслаштырылган өлкәләре – массс-спектрометрия, кристаллохимия, радиохимия. </p> <p> Укучылар эшен КФУның А.М.Бутлеров исемендәге Химия институты һәм КМТТУ-КХТИ укытучылары бәяләде. </p> <p> Олимпиадада җиңүчеләр арасында КФУ IT-лицееның 8 һәм 9 сыйныф укучылары Мария Алексеева һәм Алия Мулина, 131-нче лицейның 10 сыйныф укучысы Олег Панфутов һәм КФУ Лобачевский исемендәге лицейның 11 сыйныф укучысы Камилла Волкова бар иде. </p> <p> Шуны да билгеләп үтәргә кирәк, Казан укучылары 57 олимпиада призеры арасында да бар. </p>

2019-01-18T16:30:00+0300