Казан укучылары математика буенча халыкара конкурста җиңү яулады

Жюри иң югары рейтинг белән 10 җиңүче билгеләде, алар арасына ТР башкаласыннан укучылар керде.

(Казан шәһәре KZN.RU, 25-нче гыйнвар). Казанның өч укучысы математика буенча "Мин чишәм" V Халыкара конкурсында җиңүчеләр унлыгына керде. Интеллектуаль ярыш Калининград өлкәсенең Гусев шәһәрендә узды.

Бәйгенең иң югары бүләге белән 131-нче номерлы лицей укучылары Аркадий Андреев, 7-нче гимназия Владислав Храмов, КФУның Н.И.Лобачевский ис. лицей укучысы Ильяс Әхмәтшин әйләнеп кайттылар. Өчесе дә шәһәр А.Алиш ис. балалар иҗаты сарае каршындагы математика түгәрәгенә йөри.

Халыкара конкурс өч этапта узды, аларның икесе онлайн-форматта оештырылган иде. Математика турнирының финал этабында алдагы турларда иң күп балл алган 40 укучы гына көч сынашты. Ярышлар нәтиҗәләре буенча жюри иң югары рейтинг белән ун җиңүче билгеләде, алар арасына Казанның яшь математиклары кергән, дип хәбәр итә ТР Мәгариф һәм фән министрлыгы.

Шулай ук укыгыз

Барлык яңалыклар