Казан укучылары санлы программа идарәсе булган станоклар операторы һөнәрен үзләштерә алачак

Киләсе уку елында 10 нчы мәктәптә ике авиация сыйныфы ачылачак

Яңа уку елында Казанның Идел буе районының 10 нчы мәктәбендә ике авиация сыйныфы ачылачак. Төп укыту белән беррәттән, балалар санлы программа идарәсе булган станоклар операторы һөнәрен үзләштерәчәкләр. 10 нчы сыйныф укучылары өчен дәресләрне П.В.Дементьев исемендәге Казан авиация-техник колледжы базасында оештыралар.

Укучылар станок белән эшләүнең техник тәртипләрен һәм алымнарын өйрәнүгә чумачаклар. Укулар атнага бер тапкыр узачак. Укулар тәмамлангач, балалар аттестат һәм санлы программа идарәсе булган станоклар операторының квалификациясе уңышлы үзләштерелгән дигән таныклык алачаклар.

Шәһәр башкарма комитетының мәгариф идарәсендә хәбәр итүләренчә, чыгарылыш сыйныф укучыларына С.П.Горбунов исемендәге Казан авиация заводында эшкә урнашу гарантияләнә һәм, югары белем алу өчен, КМТТУ-КАИ-га читтән торып уку бүлегенә керү мөмкинлеге бирелә.

Шәхси сайлап алуга гариза бирергә һәм күбрәк мәгълүмат алырга түбәндәге телефоннар буенча шалтыратырга мөмкин: (843)224-13-89, 7(927)035-44-70.

Шулай ук укыгыз

Барлык яңалыклар