Казан укучылары «Портретлар галереясы» видеопроектлар конкурсында катнаша ала

Конкурс өч этапта уздырыла.

Фото: Марат Мугинов

(Казан шәһәре KZN.RU, 8-нче декабрь). Казан укучылары чит телләрдә «Портретлар галереясы» IV төбәкара видеопроектлар конкурсында катнаша ала, ул 2021 елның гыйнвар-май айларында «Музейга бару» мәдәни-белем бирү проекты кысаларында узачак.

Проект 2016 елда старт алды, ул мәгариф учреждениеләрен һәм РФ шәһәрләре рәсем сәнгате музейларын берләштерә. Проект кысаларында өч конкурс уңышлы үткәрелде: «Идел буеның сәнгать музейлары» 2017-2018 елларда, «Бер шедевр тарихы» 2018-2019 елларда һәм 2019-2020 уку елларында «Җанланган полотнолар».

Быелгы конкурста гомуми белем бирү учреждениеләренең 8-нче, 9-нчы, 10-нчы һәм 11-нче сыйныф укучылары, РФ шәһәрләре һәм чит илләрнең югары уку йортлары һәм башка белем бирү учреждениеләре студентлары катнаша ала.

Конкурс өч этапта уздырыла:

1-нче этап – конкурсантларның музей экспозициясе белән якыннанрак танышу һәм видеопрезентация өчен әсәр сайлау максатыннан үз шәһәрләренең сынлы сәнгать музеена барулары; видеоролик өстендә эшләү планын төзү (2021 елның гыйнвар-февраль айлары);

2-нче этап – кирәкле мәгълүматны эзләү һәм иҗади төркемнәр тарафыннан видеороликлар булдыру урыннарында эшләү, аларда, конкурсантлардан тыш, педагогларның катнашуы рөхсәт ителә (март-апрель 2021 ел);

3 нче этап – җиңүчеләрне билгеләү.

«Портретлар галереясы» конкурс видеоролигының эчтәлегенә һәм форматына таләпләр положениедә күрсәтелгән. Эшләрне 2021 елның 17-нче маена кадәр тапшырырга кирәк. Видеороликларны түбәндәге электрон почта адресларының берсенә җибәрергә кирәк: olgashnaider@yandex.ru, irinalabutova@gmail.com яки onpr2018@mail.ru.

Конкурс видеороликлары жюри әгъзалары тарафыннан 2021 елның 30-нчы маена кадәр каралачак. Призерларны бүләкләү эшләрне бәяләгәннән соң ике атна дәвамында үткәрелә, дип хәбәр итә Идел буе шәһәрләре ассоциациясе.

Шулай ук укыгыз

Барлык яңалыклар