Казан укучыларын һәм студентларын законнар һәм кеше хокуклары турында белемнәрен тикшерү өчен Бөтенроссия диктантында катнашырга чакыралар

Казан укучыларын һәм студентларын законнар һәм кеше хокуклары турында белемнәрен тикшерү өчен Бөтенроссия диктантында катнашырга чакыралар

25 ноябрьдән 1 декабрьгә кадәр «ВПРАВЕ» II Бөтенроссия хокукый диктанты узачак. Акциягә 12-18 яшьлек мәктәп укучылары һәм көллият студентлары кушыла ала, дип хәбәр иттеләр оештыручылар.<br> <br> Диктантта катнашу өчен проект <a target="_blank" href="https://будьвправе.рф/">сайтында</a> теркәлергә, шәхси кабинетта мәгълүмат тутырырга һәм «Диктантлар» бүлегендә «Диктант 2024» салынмасын сайларга кирәк. Әгәр кеше — «Беренчеләр хәрәкәте» катнашучысы икән, платформага керү өчен тиешле төймәгә басарга мөмкин.<br> <br> Акция гадәттәгечә ике форматта узачак – онлайн һәм офлайн. Диктантны катнашучылар ил буенча төрле мәйданчыкларда: «Беренчеләр хәрәкәте» бүлекләрендә, Россия юристлар ассоциациясе югары уку йортларында, Россия Иҗтимагый палатасында, Синергия университетында һәм башка җирләрдә диктант яза алалар. Тулырак мәгълүмат шулай ук <a target="_blank" href="https://будьвправе.рф/">платформада</a> күрсәтелгән. Диктант язгач, һәркем җыйган баллары күрсәтелгән сертификат алачак.<br> <br> Проект Президент грантлары фонды ярдәмендә тормышка ашырыла. Аның максаты — яшьләрнең аңында законга карата ихтирамны ныгыту һәм гражданлык җаваплылыгын үстерү.<br>

2024-11-19T14:56:00+0300