Казанның сәламәтлек мөмкинлекләре чикле балалар тәрбияләүче гаиләләре социаль таксидан файдалана алачак

Сервис тулы көченә 15 нче августтан эшли башлаячак.

Фото: Денис Гордийко

(Казан шәһәре KZN.RU, 26 нчы июль). Казанның сәламәтлек мөмкинлекләре чикле балалар тәрбияләүче гаиләләре бушлай таксидан файдалана алачак. Проект «Бергә булдырабыз» хәйрия фонды тарафыннан гамәлгә ашырыла.

Сервис тулы көченә 15 нче августтан эшли башлаячак, ул 18 яшькә кадәрге инвалид балалар тәрбияләүче гаиләләр өчен ачык булачак. Дәвалану, тернәкләндерү, ял урыннарына кадәр фонд карамагындагыларны ике автомобиль – Chevrolet Niva һәм Niva Travel йөртәчәк.

Сәфәр өчен алдан язылырга кирәк. Сервис турында тулырак мәгълүмат «Вконтакте» социаль челтәрендәге «Бергә булдырабыз» хәйрия фонды берләшмәсендә тәкъдим ителгән, сорауларны WhatsApp мессенджерында +7(960)040-40-42 телефон номеры буенча бирергә мөмкин.

«Инвалид балалары булган гаиләләр өчен түләүсез социаль такси» проекты «Игелек энергиясе» гранты акчасына, шулай ук фондны гамәлгә куючыларның кертемнәре хисабына тормышка ашырыла.

Социаль такси шулай ук Татарстанның Питрәч, Яшел Үзән һәм Лаеш районнарында эшләячәк, дип хәбәр итә «Игелекле Казан» автоном коммерциягә нигезләнмәгән оешмасы матбугат хезмәте.