Балалы гаиләләрдән дәүләттән финанс ярдәме алуга гаризалар 1 октябрьгә кадәр кабул ителә

Аларны РФ дәүләт хезмәтләре порталында, КФҮ офисларында һәм Пенсия фондының клиент хезмәтләрендә бирергә мөмкин.

(Казан шәһәре KZN.RU, 12-нче май). Балалары булган Казан гаиләләре дәүләттән финанс ярдәме алу өчен 1-нче октябрьгә кадәр мөрәҗәгать итә ала. Кичә Россия Президенты Владимир Путин социаль ярдәм чараларының яңа пакетын анонслады.

Ил Президенты Указы нигезендә, 5 мең сум күләмендә айлык түләүгә хокукны, ул өч яшькә кадәрге балаларга өч ай дәвамында бирелә (апрельдән июньгә кадәр), ана капиталы булган гаиләләр генә түгел, беренче баласы 2017 елның 1-нче апреленнән 2020 елның 1-нче гыйнварына кадәр туган яки уллыкка алынган барлык гаиләләр дә алырга мөмкин.

Моннан тыш, агымдагы елның 1-нче июненнән 3 яшьтән 16 яшькә кадәрге һәр балага 10 мең сум күләмендә бер тапкыр түләнә торган түләүләр каралган. Акчалар күрсәтелгән яшькә җиткән һәр балага, ана капиталына хокук булу-булмауга карамастан, агымдагы елның 11-нче маеннан 30-нчы июненә кадәр биреләчәк.

Түләүләр алу өчен гаризалар 1-нче октябрьгә кадәр кабул ителә. Бернинди өстәмә документлар да тапшырырга кирәкми, дип хәбәр итәләр Татарстан Пенсия фондында. Гражданнарның аерым игътибарын гаризаларны корректлы тутыруга юнәлтәләр. Аерым алганда, ярдәм күчереләчәк счет мөрәҗәгать итүченеке булырга һәм гамәлдә булырга тиеш.

Гаризаны РФ дәүләт хезмәтләре порталы аша электрон рәвештә тапшырырга мөмкин. Моннан тыш, күп функцияле үзәкләргә һәм Пенсия фондының клиент хезмәтләренә түләүләр буенча мөрәҗәгать итәргә мөмкин, тик бары тик алдан язылу буенча гына.

Шулай ук укыгыз

Барлык яңалыклар