Казан бакчачылык автобуслары 674 меңгә якын бакчачыны ташыган

1 ноябрьдә сезонлы маршрутлар үз эшләрен төгәлләде

Казанда бакчачылык автобус маршрутларының эш сезоны рәсми рәвештә 1 ноябрьдә тәмамланды. Бу чорда җәмәгать транспортыннан 673,9 мең пассажир файдаланган. Бу узган елның шул ук чоры белән чагыштырганда 1,6% ка кимрәк.

Исегезгә төшерәбез, бу сезонда алты сезонлы бакчачылык автобус маршруты оештырылган иде: 39с «Ветеринария академиясе – Дәрвишләр тимер юл станциясе»; 41с «39 нчы квартал – «Крутушка» санаторие»; 92с «Ленин исемендәге Мәдәни-ял итү комплексы – «Дальние сады»; 101с «Горький шоссесы – БҖ «Текстильщик»; 109с «Полет» кафесы – КББҖ «Заречье»; 111с «Җиңү проспекты» метро станциясе – «Жиркомбинат».

Линиядә 11 транспорт берәмлеге эшләгән.

111с номерлы маршрут сезоннан тыш пассажирлар агымын өйрәнү өчен 1 декабрьгә кадәр озынайтылды.

Шулай ук укыгыз

Барлык яңалыклар