Казан әти-әниләре балаларын Әмиран, Медея, Эделия, Разалина, Ризат дип атадылар

Казан әти-әниләре балаларын Әмиран, Медея, Эделия, Разалина, Ризат дип атадылар

<p> <img width="870" src="https://www.kzn.ru/upload/iblock/840/MMB_6152.jpg" height="653"><br> </p> <p> (Казан шәһәре KZN.RU, 12-нче март). Узган атнада, 2-8-нче март көннәрендә, Казан шәһәре Гражданлык хәле актларын теркәү бүлекләрендә 317 бала тууы теркәлде: 155 малай һәм 162 кыз. </p> <p> Иң яшь әнигә – 20, иң яшь әтигә – 21 яшь. Иң өлкән әнинең яше – 52, иң өлкән әтинең яше – 60. Баланың тугандагы минималь авырлыгы 1100 грамм, ә иң максималь авырлыгы – 5120 грамм тәшкил итте, дип хәбәр итә Казанның Гражданлык хәле актларын теркәү идарәсе. </p> <p> Бу атнада балалар исемнәре арасында иң популярлары түбәндәгеләр булды: Әминә, Кәрим, Әмирхан, Амелия, Раяна, Ралина, Марк, Мәрьям, Ясминә. Ата-аналар үз сабыйларын атаган иң сирәк исемнәр: Адриан, Рамин, Светлана, Лера, Әмиран, Медея, Эделия, Роберт, Разалина, Галим, Ризат. </p> <p> Шул ук вакыт эчендә шәһәрнең Гражданлык хәле актларын теркәү бүлекләрендә 154 пар үзләренең никахларын теркәде. </p>

2020-03-12T17:09:17+0300