Казан эшмәкәрләре иминият кертемнәрен түләү буенча кичектерүдән файдалана алалар

Казан эшмәкәрләре иминият кертемнәрен түләү буенча кичектерүдән файдалана алалар

<div class="detail-picture"> <img src="https://kzn.ru/upload/iblock/bd1/DSC_4725-870.jpg"> <p class="detail-picture__caption"> Фото: Денис Гордийко </p> </div> <p> (Казан шәһәре KZN.RU, 11 нче май). Россия Хөкүмәте кайбер оешмалар өчен иминият кертемнәрен түләү вакытын озайтты. Ташламадан файдалану мөмкинлеге икътисадый эшчәнлек төрләренең гомумроссия классификаторының төп кодына бәйле, аның турында мәгълүмат 2022 елның 1 нче апреленә бердәм дәүләт реестрында яки шәхси эшмәкәрләрнең бердәм дәүләт реестрында бар. </p> <p> Карар нигезендә, 2022 елның II кварталы өчен иминият кертемнәре буенча түләүләрне кичектерү 70 тән артык эшчәнлек төрен гамәлгә ашыручы предприятиеләр, шул исәптән сәламәтлек саклау, фән, мәдәният, туризм, спорт һәм күңел ачу, азык-төлек продуктлары, кием-салым, мебель, текстиль, нәшрият эшчәнлеге өлкәсендәге предприятиеләргә кагыла. </p> <p> Шулай ук әлеге исемлеккә бу тармакларда эшләүче шәхси эшмәкәрләр дә кертеләчәк. Сүз 2021 ел өчен 300 мең сумнан артык керемнән исәпләнгән иминият кертемнәре турында бара. </p> <p> 2022 елның III кварталы өчен иминият кертемнәрен түләү буенча кичектерү дарулар, авыл хуҗалыгы, төзелеш, IT һәм телекоммуникацияләр җитештерүне дә кертеп, эшчәнлекнең 40 ка якын төрен гамәлгә ашыручы оешмалар өчен каралган. </p> <p> Билгеләнгән критерийларга туры китереп, бернинди гариза да бирергә туры килмәячәк – иминият кертемнәрен түләү вакыты автомат рәвештә озайтыла. </p> <p> Янга калдырылган акчаларны бизнес хезмәткәрләргә хезмәт хакын түләү, җитештерүне һәм логистиканы яңадан кору белән бәйле агымдагы чыгымнарга юнәлдерә алачак, дип хәбәр иттеләр Икътисади үсеш комитетында. </p>

2022-05-11T17:45:08+0300