Казан полициясе мошенниклыкта шикләнелгән Оренбург өлкәсе кешесен тоткарлаган

Ир-ат ТР башкаласында яшәүчене автомобиль шиннары сату сылтавы белән алдаган

Фото: Денис Гордийко

ТР башкаласының полиция хезмәткәрләре мошенниклыкта шикләнелгән Оренбург өлкәсе кешесен тоткарлаган. Тикшерү версиясе буенча, ир-ат Казан кешесен җәйге автомобиль шиннары сату сылтавы белән алдаган.

Тема буенча материаллар:

Казанда яшәүчеләрне алдауның яңа схемасы турында кисәттеләр

26 яшьлек зыян күрүче сөйләвенчә, товар белән белдерүне ул бер белдерү сайтында тапкан, соңыннан сатучы белән хат алышкан. Килешү шартлары турында сөйләшкәннән соң, ир-ат аферистка 36 мең сум акча күчергән, әмма җәйге резинаны ала алмаган.

Шикләнелүчене тоткарлау өчен полиция хезмәткәрләре Соль-Илецкига командировкага барганнар һәм аны Казанга алып кайтканнар. Ир-ат үз гаебен тулысынча таныган, зыянны өлешчә каплаган.

Оренбург өлкәсе гражданинына карата РФ Җинаять кодексының 159 нчы маддәсенең 2 нче «Мошенниклык» өлешендә каралган җинаять составы билгеләре буенча җинаять эше кузгатылган һәм тикшерелә. Читкә китмәү һәм тиешле тәртип саклау турында шарт куелган.

Хәзерге вакытта «Азино-2» полиция бүлегенең җинаятьчеләрне эзләү бүлеге хезмәткәрләре җинаятьченең Казанда шундый ук җинаятьләр кылуда катнашы булу-булмавын тикшерә, дип хәбәр итте Россия Эчке эшләр министрлыгының шәһәр буенча идарәсендә.

Шулай ук укыгыз

Барлык яңалыклар