Казан педагоглары Россиядә иң яхшы музыка укытучылары арасына керде

Казан педагоглары Россиядә иң яхшы музыка укытучылары арасына керде

<p> 2024 елда «Музыка сәнгате өлкәсендә иң яхшы укытучы» премиясе лауреатлары аталды. </p> <p> Балалар сәнгать мәктәпләреннән һәм музыка училищеларыннан 450 дән артык педагог җиңүче булды. Алар арасында – Казан укытучылары: 32 нче балалар музыка мәктәбенең фортепиано укытучылары Элина Еникиева һәм Илмира Гәрәева, 1нче мәктәпнең баян һәм аккордеонда уйнау укытучысы Александр Настаушев, 13 нче мәктәпнең хор дисциплиналары укытучысы Эльвира Төхвәтуллина, 4нче мәктәп укытучысы Татьяна Марина. </p> <p> Премия күләме 500 мең сум тәшкил итә. Россия Мәдәният министрлыгы оештырган махсус комиссия кандидатларны берничә критерий буенча бәяләде: белем бирү процессында авторлык методлары булу, укучыларны укыту нәтиҗәләре һәм иҗади чараларда башкаручы сыйфатында катнашу тәҗрибәсе. </p>

2024-10-02T16:34:00+0300