Казан педагоглары «Россиянең ел укытучысы» конкурсының төбәк этабы финалистлары булдылар

Казан педагоглары «Россиянең ел укытучысы» конкурсының төбәк этабы финалистлары булдылар

<p> </p> <div class="detail-picture"> <img src="https://kzn.ru/upload/iblock/da3/da39a8e3ead6a24ecdfd274d33151a0c.jpg"> <p class="detail-picture__caption"> Фото: Марат Мөгыйнов </p> </div> (Казан шәһәре KZN.RU, 22 нче март). «Россиянең ел укытучысы» конкурсының төбәк этабының беренче турына йомгак ясалды. Финалга 15 кеше чыкты, алар арасында «Адымнар» полилингваль комплексының рус теле һәм әдәбияты укытучысы Екатерина Лисина бар, ул шәһәр этабында абсолют җиңүче булган иде. <p> </p> <p> Финалга чыгучылар арасында Казанның Совет районы 93 нче гимназиясеннән инглиз теле укытучысы Юлия Бирюкова, КФУның IT-лицееннан химия укытучысы Екатерина Массарова һәм Яңа Савин районындагы татар телендә белем бирүче 155 нче гимназиянең география укытучысы Гөлназ Ханнанова да бар иде. </p> <p> Казан укытучыларыннан тыш, финалга Чаллы, Азнакай, Югары Ослан, Алабуга, Түбән Кама, Мамадыш һәм Татарстанның башка районнарыннан килгән педагоглар чыкты. </p> <p> Алда конкурсантларны ике сынау көтә – аларга мастер-класс күрсәтергә һәм «Ел укытучысына сорау» матбугат конференциясендә катнашырга кирәк булачак. Сорауларны укучылар һәм аларның әти-әниләре, укытучылар бирәчәк. </p> <p> Конкурсның икенче туры нәтиҗәләре буенча 5 финалист билгеләнәчәк, аларның исемнәре 23 нче мартта билгеле булачак. ТР мәгариф һәм фән министры Илсур Һадиуллин белән очрашу финал сынавы булачак. Катнашучылар аның белән заманча белем бирүнең актуаль мәсьәләләре турында фикер алышачаклар. </p> <p> «Россиянең ел укытучысы» конкурсының төбәк этабының абсолют җиңүчесе исеме 24 нче мартта игълан ителәчәк. Ул илнең башка төбәкләреннән килгән коллегалары белән беренчелек өчен ярышачак. </p> <p> Моннан тыш, «Педагогик дебют» номинациясендә Татарстанның иң яхшы ун укытучысы билгеле булды. Алар арасында Казан педагоглары да бар: Совет районының 11 нче күп профильле лицееннан рус теле һәм әдәбияты укытучысы Мария Волчкова һәм Идел буе районының 21 нче гимназиясеннән биология һәм химия укытучысы Карина Абаза, дип хәбәр итә ТР Мәгариф һәм фән министрлыгының матбугат хезмәте. </p>

2023-03-22T13:41:00+0300