Казанның инвалидлар иҗтимагый оешмалары муниципаль милекне 49 ел дәвамында куллана алачаклар

Казан шәһәре Думасының XXXII хисап сессиясендә Казан муниципаль милкен түләүсез файдалануга бирү тәртибе үзгәртелде.

(Казан шәһәре KZN.RU, 26-нчы февраль, Алена Мирошниченко). Инвалидларның иҗтимагый оешмалары муниципаль милекне 49 елга кадәр бушлай файдалануга ала алачаклар. Тиешле карар бүген шәһәр Ратушасында Казан шәһәре Думасының XXXII хисап сессиясендә кабул ителде.

Җир һәм мөлкәт мөнәсәбәтләре комитеты рәисе Ренат Галәветдинов инвалидларга һәм аларның мәнфәгатьләрен кайгыртучы оешмаларга ярдәм күрсәтү максатыннан, озак вакытка казна милкен бирү тәртибен үзгәртү тәкъдиме белән чыкты. Ул ассызыклаганча, мондый төрдәге ярдәм күрсәтү "Россия Федерациясендә инвалидларны социаль яклау турында"гы Федераль закон белән каралган. Шул ук вакытта гамәлдәге тәртип нормалары, аерым алганда, муниципаль милекне коммерция максатларында бушлай файдалану хокукында тәкъдим ителгән куллануга юл куймау турындагы нигезләмә исәпкә алыначак.

"Бүгенге көндә мондый иҗтимагый оешмалар белән гомуми мәйданы 1230 кв.м тәшкил иткән 14 муниципаль объекттан бушлай файдалану турында килешү төзелгән", - дип билгеләп үтте ул. Яңалык мөмкинлекләре чикләнгән кешеләр эшчәнлеге өчен тотрыклы һәм уңай шартлар тудырырга ярдәм итәчәк һәм аларга файдалану хокукын яңадан торгызу процедурасын даими узарга ярдәм итәчәк. "Нәтиҗә буларак инвалидларга социаль ярдәм күрсәтү һәм аларны адаптацияләү, ә ахыр чиктә – аларның тормыш сыйфатын яхшырту торачак", - дип нәтиҗә ясады ул.

Депутатларда тәкъдим буенча кисәтүләр булмады, карар бертавыштан кабул ителде.