Казан объектлары Россиянең иң яхшы 100 проекты исемлегенә керде

«Урам» экстрим-паркы һәм яңартылган 175 нче номерлы гимназия архитектура журналы альманахларына кертелгән

Фото: Денис Гордийко

(Казан шәһәре KZN.RU, 25 нче май). Татарстан проектлары «Проект Россия» архитектура журналы чыгарган «2020-2023 елларда Россиянең иң яхшы 100 проекты» альманахы исемлегенә керде. Бу хакта ТР шәһәрләрен үстерү институтында хәбәр иттеләр.

Исемлеккә Казанда урнашкан «Урам» экстрим-паркының ябык комплексы кертелгән. 7900 квадрат метр мәйданлы бинада BMX-фристайл өчен «фанер диңгезе», скейтбординг өчен бетон боул, стрит-плаза һәм күп кенә башка биналар бар: лекторий, бию классы, диджейлык студиясе һәм башкалар. Проект авторлары булып Kosmos, Legato Sports Architecture һәм Orchestra Design чыгыш ясый.

Альманахка шулай ук Казанның 175 нче гимназиясен реконструкцияләү проекты кертелгән. 2021 елның маенда булган фаҗигадән соң, 100 көн эчендә бина кискен үзгәрде. Гимназияне психологлар тәкъдимнәрен һәм мондый объектларны үзгәртү буенча халыкара тәҗрибәне исәпкә алып үзгәртеп корганнар. Уку йорты территориясендә хәтер бакчасы барлыкка килгән – ул мемориалны алыштыра. Проект авторлары – «Архдесант» һәм AKVK&Partners.

«Проект Россия» журналы – Россиядә архитектура, шәһәр төзелеше, төзелеш технологияләре һәм дизайн буенча профессиональ журнал.

Шулай ук укыгыз

Барлык яңалыклар