Казанның коммерциягә нигезләнмәгән оешмалары бинаны файдалануга бушлай алырга мөмкин

Казанның коммерциягә нигезләнмәгән оешмалары бинаны файдалануга бушлай алырга мөмкин

<p> (Казан шәһәре KZN.RU, 18-нче апрель, Ксения Швецова). Казанда социаль эшчәнлеккә юнәлдерелгән коммерциягә нигезләнмәгән оешмалар мөлкәти ярдәм алуга дәгъва кыла һәм муниципаль бүлмәләрне бушлай файдалануга ала алалар. Бу хакта Казан шәһәре Думасының XXXIII сессиясендә Башкарма комитет җитәкчесенең беренче урынбасары Рөстәм Гафаров хәбәр итте. </p> <p> Депутат Рушания Билгильдееваның Казанда коммерциягә нигезләнмәгән оешмаларга мөлкәти ярдәм итүнең ни дәрәҗәдә үсеш алуы турындагы соравына җавап биреп, Рөстәм Гафаров, Җир һәм милек мөнәсәбәтләре комитетына мөрәҗәгать итеп, коммерциягә нигезләнмәгән оешма җитәкчеләре үз эшчәнлекләре өчен 5 елга түләүсез файдалануга бина ала алуларын билгеләп үтте. Ә килешү хокук бозуларсыз үтәлсә, ул тагын 5 елга озайтыла. </p> <p> «Даими нигездә без шулай ук чаралар үткәрү өчен коммерциягә нигезләнмәгән оешмаларга яшүсмерләр клубларын, мәдәният йортларын, спорт объектларын да бирәбез», - дип өстәде Р.Гафаров. </p> <p> Исегезгә төшерәбез, ТР коммерциягә нигезләнмәгән оешмалар порталы мәгълүматлары буенча, Татарстан Республикасында 5834 коммерциягә нигезләнмәгән оешма теркәлгән, шуларның 2395-е – Казанда. </p>

2019-04-18T13:31:14+0300