Казан рәссамнары «Шәһәр лабораториясе» проектында катнаша ала

Теләүчеләрдән гаризалар 22 нче мартка кадәр кабул ителә.

Фото: Денис Гордийко

(Казан шәһәре KZN.RU, 7 нче март). Казан рәссамнары, кураторлар һәм тәнкыйтьчеләр «Шәһәр лабораториясе» проектында катнаша ала. Өч этапны уңышлы узгач, аларга проектларны тормышка ашыруда ярдәм итәчәкләр. Гаризалар 22 нче мартка кадәр кабул ителә.

Проект программасы ике этапка бүленә: онлайн һәм офлайн. Беренче этапта катнашучылар урам сәнгате юнәлешләре буенча курс узачак. Нәтиҗәдә, 15 кеше сайлап алыначак һәм офлайн-интенсивка чакырылачак, анда Мәскәүнең урам сәнгате турында фикер алышачаклар, шулай ук арт-индустрияләрдә, күргәзмәләрдә һәм рәссамнар остаханәләрендә булачаклар.

«Шәһәр лабораториясе»нең өч финалистына оештыручылар проектларын тормышка ашырырга ярдәм итәчәк. Платформаның эш йомгаклары буенча шәһәр структуралары өчен урам сәнгатен иҗтимагый киңлекләргә интеграцияләү буенча тәкъдимнәр тупланган методик җыентык төзеләчәк.

«Шәһәр лабораториясе» проектында катнашу бушлай, офлайн-интенсивта чыгымнар вакыйга хисабына каплана. Теләүчеләр эшләр портфолиосын һәм үз төбәкләрендә гамәлгә ашырырга планлаштырган иҗади проект иделәрен тәкъдир итәргә тиеш, дип хәбәр итә оештыручылар. Гаризаны сайтта бирергә мөмкин.

Шулай ук 22 нче мартка кадәр урам сәнгате, паблик-арт һәм шәһәр киңлекләрен үстерү белән бәйле проект авторлары өчен параллель программада катнашу өчен гаризалар кабул ителә. Форманы сылтама буенча тутырырга кирәк.

Шулай ук укыгыз

Барлык яңалыклар