Казан рәссамнары һәм дизайнерлары «Отражение идентичности» күргәзмәсендә катнашу өчен гариза бирә алалар

Экспозиция 5-7 нче декабрьдә Г.Камал театрында эшләячәк

Фото: Денис Гордийко

(Казан шәһәре KZN.RU, 10 нчы ноябрь). «Отражение идентичности» күргәзмәсендә катнашу өчен гаризалар кабул итү 16 нчы ноябрьгә кадәр дәвам итәчәк. Экспозиция «Казаныш» архитектура-төзелеш форумы кысаларында 5 нче декабрьдән 7 нче декабрьгә кадәр Г.Камал театрында эшләячәк.

Конкурста 18 яшьтән башлап теләгән һәркем катнаша ала. Гаризаны индивидуаль рәвештә дә, иҗади төркем составында да бирергә мөмкин. Эшләр дүрт категориядә кабул ителә: «архитектура», «сәнгать», «манифест» һәм «көнкүреш». Тулы мәгълүматны сылтама буенча белергә мөмкин.

Исегезгә төшерәбез, «Казаныш» форумында беренче тапкыр Кытай, Һиндстан, Берләшкән Гарәп Әмирлекләре, Көньяк Африка Республикасы һәм башка илләр катнашачак. Чарага барлыгы 20 дәүләт чакырылган, спикерлар арасында дөньякүләм танылган шәһәр төзүчеләр һәм Россиянең әйдәп баручы архитекторлары бар. Архитектура, дизайн һәм төзелеш өлкәсендәге мөһим вакыйга ТР башкаласында 2024 елның октябренә билгеләнгән БРИКС илләре саммиты алдыннан булачак.

Спикерлар Казанның үзенчәлеге, эре инфраструктура транспорт проектларының шәһәр үсешенә йогынтысы, яр буе зоналарының әһәмияте һәм башка темалар турында фикер алышачак.

Шулай ук укыгыз

Барлык яңалыклар