«Йөзьяшәрләр уеннары» шашка һәм шахмат буенча турнирлар белән дәвам итәчәк

Ярышларда катнашырга 55 яшьтән өлкәнрәкләр чакырыла

Казанда «Йөзьяшәрләр уеннары. Яшәү яме» спартакиадасы дәвам итә. Шахмат һәм шашка буенча турнирлар шәһәрнең барлык районнарында 11—19 гыйнвар көннәрендә узачак. Анда 55 яшьтән өлкәнрәкләр катнаша ала. Финал ярышлары 25 гыйнварга планлаштырылган, дип хәбәр иттеләр Физик культура һәм спорт комитетында.

Барлык ярышлар да Горький урамындагы 11/2 номерлы йорт адресы буенча «Первая» урта гомуми белем бирү мәктәбендә узачак.

Авиатөзелеш районы

11 гыйнвар, 9:00 да – шахмат
11 гыйнвар, 12:00 дә – шашка

Яңа Савин районы

11 гыйнвар, 14:30 да – шахмат
11 гыйнвар, 17:30 да – шашка

Идел буе районы

12 гыйнвар, 9:00 да – шахмат
12 гыйнвар , 12:00 да – шашка

Вахитов районы

12 гыйнвар, 14:30 да – шахмат

Киров районы

18 гыйнвар, 9:00 да – шахмат
18 гыйнвар, 12:00 дә – шашка

Мәскәү районы

18 гыйнвар, 14:30 да – шахмат
18 гыйнвар, 17:30 да – шашка

Совет районы

19 гыйнвар, 9:00 да – шахмат
19 гыйнвар, 12:00 дә – шашка

Турнирларга теркәлү турнирлар башланырга бер сәгать кала башлана. Табибтан сәламәтлек турында белешмә (рөхсәт) тапшырырга, шулай ук үзегез белән алмашка аяк киеме алырга кирәк. Өстәмә мәгълүматны проектның телеграм-каналында яки +7(843)223-19-36 (өстәмә номер 79332) телефон номеры аша алырга була.

«Йөзьяшәрләр уеннары» 10 спорт төрен берләштерә: өстәл теннисы, шахмат, йөзү, чаңгы узышлары, төньяк йөреше, дартс, ГТО, җиңел атлетика, волейбол һәм футбол. Ярышлар 2016 елда Казан мэриясе тарафыннан гамәлгә куелган «Яшәү яме» проекты кысаларында уза. Өлкән яшьтәге гражданнар өчен түләүсез ял итү, мәдәни һәм спорт чаралары каралган.

Исегезгә төшерәбез, «Йөзьяшәрләр уеннары. Яшәү яме» спартакиадасының яңа сезоны 7 декабрьдә өстәл теннисы буенча ярышлардан башланды.

Шулай ук укыгыз

Барлык яңалыклар