Суга сикерү һәм синхрон йөзү буенча Дөнья сериясенең Казан этаплары киләсе елның язында узачак

Быел аларны эпидемиологик вәзгыять бәйле рәвештә күчерделәр.

Фото: Казан шәһәре KZN.RU

(Казан шәһәре KZN.RU, 27-нче ноябрь). Суга сикерү һәм синхрон йөзү буенча дөнья сериясе этаплары Казанда киләсе елның язында узачак.

Халыкара йөзү федерациясе (FINA) сайтында бастырылган расписаниедән күренгәнчә, Казан суга сикерү буенча серия этабын 2021 елның 19-21-нче мартында кабул итәчәк. Синхрон йөзү буенча дөнья сериясе этабы Татарстан башкаласында киләсе елның 16-18-нче апрелендә узачак, дип хәбәр итә ТР Спорт министрлыгы матбугат хезмәте.

Исегезгә төшерәбез, ярышлар Казанда 2020 елның язында узарга тиеш иде. Ләкин алар көзгә күчерелде, ә хәзер – икенче язга. Мондый карар коронавирус таралу куркынычын булдырмау өчен кабул ителде.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар