Казан телеманарасы «Ватанның яшь талантлары» фестивален ачу көнендә тематик утлар кабызачак

Якты светодинамик тамаша 25 нче майда 21:00 сәгатьтән 22:00 сәгатькә кадәр эшләячәк

Фото: Марат Мөгыйнов

(Казан шәһәре KZN.RU, 22 нче май). Казан телеманарасы VII Халыкара «Ватанның яшь талантлары» фестивален ачу уңаеннан тематик утлар кабызачак.

Пәнҗешәмбе, 25 нче майда, Мәскәүнең Кораллы Көчләр һәм сугыш ветераннары йортының Кызыл Байрак залында, Сталинград сугышында Җиңүнең 80 еллыгына һәм кенәз Владимирның Русьны чукындыруының 1035 еллыгына багышланган VII Халыкара патриотик җыр һәм балалар-яшьләр иҗатының музыкаль әсәрләре фестивале ачылачак.

Якты светодинамик тамаша 25 нче майда 21:00 сәгатьтән 22:00 сәгатькә кадәр эшләячәк, дип хәбәр итә Татарстан Цифрлар министрлыгы матбугат хезмәте.

Шулай ук укыгыз

Барлык яңалыклар