Казан спортчысы Зилә Гәрәева бокс буенча Россия беренчелегендә бронза медаль яулады

Иркутск шәһәрендә узган турнирда илнең 40 тан артык төбәк вәкилләре чыгыш ясады.

Фото: Татарстан Республикасы Спорт министрлыгы

(Казан шәһәре KZN.RU, 17 нче май). Казан спортчысы Зилә Гәрәева 17-18 яшьлек яшүсмер кызлар арасында бокс буенча Россия беренчелеге призерлары арасына керде. Ул 52 килограммга кадәр авырлык категориясендә бронза медаль яулады.

Әлеге авырлык категориясендә Зилә Гәрәева Чиләбе өлкәсеннән Полина Котегова белән өченче урынны бүлеште. Икенче урын иясе Мәскәүдән Елизавета Ермолаева булды. Анападан Анастасия Кооль җиңү яулады.

Ярышлар Иркутскида 9 нчы майдан 14 нче майга кадәр узды. Анда илнең 40 тан артык төбәгеннән спортчылар катнашты, дип хәбәр ителә Россия Бокс федерациясе сайтында.

Шулай ук укыгыз

Барлык яңалыклар