Казан спортчысы пуля белән ату буенча Россия Кубогы этабында җиңү яулады

Финалда Айгөл Хәбибуллина Удмуртиядән көндәшен 16:10 исәбе белән отты

Казан спортчысы Айгөл Хәбибуллина пуля белән атуда Россия Кубогының V этабында алтын яулап алды. Ярышлар Мәскәү өлкәсе Игнатов авылында узды.

Кыз пневматик винтовкадан ату буенча (баскан килеш 60 тапкыр ату) ПВ-60 күнегүендә иң яхшысы булды. Квалификация нәтиҗәләре буенча, ул, 629,9 очко җыеп, бишенче урында калды. Финалда спортчы Удмуртиядән Юлия Кәримованы 16:10 исәбе белән җиңүгә иреште.

«Казанда Айгөл Хәбибуллина тренер Екатерина Лузганова җитәкчелегендә, Мирный бистәсендәге «Динамо» үзәгенең пуля белән ату комплексында шөгыльләнә», – дип хәбәр итә ТР спорт министрлыгының матбугат хезмәте.

Пуля белән ату буенча Россия Кубогы һәм чемпионат 17-27 июнь көннәрендә уза. Турнир «Демография» милли проекты буенча оештырылган.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар