«Казан ракеткасы»: иң көчле теннисчы исеме өчен илнең 30 төбәгеннән яшь 200 спортчы көрәшәчәк

«Казан ракеткасы»: иң көчле теннисчы исеме өчен илнең 30 төбәгеннән яшь 200 спортчы көрәшәчәк

<p> Казанда өстәл теннисы буенча 18 октябрьгә кадәр дәвам итәчәк Бөтенроссия «Казан ракеткасы» ярышлары старт алды. Бәйгедә Россиянең 30 төбәгеннән 200 дән артык спортчы катнаша. Татарстан башкаласын «Идел» физик тәрбия-спорт берләшмәсендә тәрбияләнүчеләр тәкъдим итәчәк. </p> <p> Спортчылар түбәндәге ике яшь категориясе буенча көч сынашачак: «14 яшькә кадәрге егетләр һәм кызлар» һәм «16 яшькә кадәрге егетләр һәм кызлар», дип хәбәр итә Физик тәрбия һәм спорт комитеты матбугат хезмәте. </p> <p> Ярышларны ачу тантанасы иртәгә, 16 октябрьдә көтелә. Чара 15:00 сәгатьтә башлана. </p> <p> Керү ирекле, теләге булган һәр кешене Җәүдәт Фәйзи урамы, 2а адресы буенча урнашкан «Бокс һәм өстәл теннисы үзәге» спорт комплексында көтәләр. </p> <p> Алдарак «Первая» спорт мәктәбендә шөгыльләнүче Даниел Мариновның спорт гимнастикасы буенча Россия чемпионатында өч алтын, өч бронза медаль яулавы турында хәбәр ителгән иде. </p>

2025-10-15T10:48:02+0300