Казан йөзүчесе БРИКС уеннарында икенче алтын медален алды

Софья Дьякова 200 м дистанциядә ирекле стиль белән йөзүдә җиңү яулады

Казаннан Софья Дьякова ирекле стиль белән 200 м дистанциядә йөзү буенча БРИКС Уеннары чемпионы булды. Бу агымдагы халыкара ярышларда спортчы кесәсендә икенче алтын медаль инде.

Софья Дьякова 200 метрны 1:58,73 минут эчендә йөзеп чыкты. Көмешне Бразилиядән Наталья Сикейра Алмейда яулады (1:59,96 минут). Өченче урынны Россия спортчысы Анастасия Саратова алды, нәтиҗәсе — 2:00,82 минут.

Элегрәк Казан спортчысы 400 м дистанциядә беренче булып финишка килде. Көмеш медальгә — Россиядән Ксения Мишарина, бронзага Бразилия спортчысы Тайана Мелисса ия булды.

Йөзү ярышлары Казанда 19-21 июньдә уза. Өч көн эчендә спортчылар арасында 37 медаль җыелмасы уйнатылачак. Йөзү буенча ярышларны ике тапкыр Олимпия чемпионы Денис Панкратов аңлата, дип хәбәр иттеләр РФ йөзү федерациясендә.

Шулай ук укыгыз

Барлык яңалыклар