Казан йөзүчесе Россия рекордын арттырды

Софья Дьякова 400 метрны ирекле стиль белән 4:02,12 гә узды

Казан спортчысы Софья Дьякова йөзү буенча Россия чемпионатында алтын медаль яулады, яңа яшүсмерләр рекорды куйды. Ул 4:02,12 дә 400 метрлы ирекле стиль белән җиңү яулады.

Үткән иң яхшы нәтиҗә – 4:03,08 – Арина Опенышеваныкы булган. Ул 2015 елда рекорд куйган.

Элегрәк Софья Дьякова, ирекле стиль белән 800 м йөзеп, көмеш медаль алды. Моннан тыш, Татарстан җыелма командасы составында спортчы шул ук дисциплинада 4x200 эстафетасында алтын алды.

Казанда Софья Дьякова Светлана Чепик җитәкчелегендә «Дельта» спорт мәктәбендә шөгыльләнә.

Йөзү буенча Россия чемпионаты 21-26 ноябрь көннәрендә Санкт-Петербургта узды. Ярышларда илнең 70 тән артык төбәгеннән 900 гә якын спортчы катнашты.

Шулай ук укыгыз

Барлык яңалыклар