Казан җырчысы Олеся Машейко Бөтендөнья парамузыкаль фестивалендә катнашачак

Яшь башкаручы Калуга, Кострома һәм Мәскәү өлкәләрендәге концертларда чыгыш ясаячак.

(Казан шәһәре KZN.RU, 1-нче октябрь). 27-нче октябрьдән 7-нче ноябрьгә кадәр Калуга, Кострома һәм Мәскәү өлкәләрендә Бөтендөнья парамузыкаль фестиваленең көзге этабы узачак. Россия һәм башка илләрнең сәламәтлекләрендә проблемалары булган яшь артистларын берләштергән фестивальдә Казаннан 13 яшьлек җырчы Олеся Машейко катнашачак.

Россиядә инде 11 ел үткәрелә торган Бөтендөнья парамузыкаль фестивале, сәламәтлек һәм иминлек дәрәҗәсенә карамастан, кешенең тигез мөмкинлекләрен күрсәтә. Олеся Машейко фестивальнең сәнгать советының сайлап алуын узды һәм Калуга өлкәсе драма театрында, «Губернский» Кострома концерт-күргәзмә үзәгендә һәм Мәскәүнең «Барвиха Luxury Village» концерт залында үз иҗади номерларын күрсәтәчәк. Фестивальнең көзге туры концертларына 8 меңнән артык кеше килер дип көтелә, ә проектның телеаудиториясе 6 млн кешедән дә ким булмаска тиеш.

Олеся Машейко 8-нче номерлы балалар музыка мәктәбендә флейта белгечлеге буенча һәм сәламәтлек мөмкинлекләре чикләнгән балалар өчен 172-нче номерлы гомуми белем бирү мәктәбендә укый. Ул халыкара фестивальләрдә, балалар иҗаты конкурсларында һәм хәйрия концертларында актив катнаша, вокаль номинацияләрдә лауреат һәм дипломант булып тора.

Шулай ук укыгыз

Барлык яңалыклар