Казан пенсионеры үз акчаларын мошенниклардан саклап кала алган

Казан пенсионеры үз акчаларын мошенниклардан саклап кала алган

<p> </p> <div class="detail-picture"> <img src="https://kzn.ru/upload/iblock/6ab/6aba238052c4c178b473271deef76166.jpg"> <p class="detail-picture__caption"> Фото: Денис Гордийко  </p> </div> <p> (Казан шәһәре KZN.RU, 19 нчы май). Казан пенсионеры, сөйләшүне вакытында туктатып, үз акчаларын мошенниклардан саклап кала алган. Уяу хатын-кыз аферистларның мотивын таныган, дип хәбәр итә Россия Эчке эшләр министрлыгының Казан буенча матбугат хезмәте. </p> <p> 17 нче майда өлкән яшьтәге хатынның өй телефонына билгесез хатын шалтырата һәм үзен аның туганы дип таныштыра. Ул зыян күрүчеләр белән юл-транспорт һәлакәтенә эләккәнен һәм полициядә җинаять эше кузгатылмасын өчен акча кирәклеген хәбәр итә. Шуннан соң сөйләшүгә билгесез кеше кушыла – ул үзен хокук саклау органнары хезмәткәре дип таныштыра һәм пенсионер ханымны «мәсьәләне хәл итү» өчен 100 мең сум акча бирергә күндерә.  </p> <p> Моны ишеткәч, хатын сөйләшүне дәвам итми һәм соңрак «Мәскәү» полиция бүлегенә гариза белән мөрәҗәгать итә. РФ Җинаять кодексының 30 нчы маддәсенең 3 нче өлеше, 159 нчы маддәсенең 2 нче өлешендә каралган «Мошенниклыкка омтылыш» җинаять составы билгеләре буенча җинаять эше кузгатылган. Полиция хезмәткәрләре шикләнелүчеләрне эзли.  </p> <p> Элегрәк KZN.RU 2023 ел башыннан татарстанлыларның банк карталарыннан аферистлар 2,5 меңнән артык урлау <a target="_blank" href="https://kzn.ru/meriya/press-tsentr/novosti/s-nachala-2023-goda-s-bankovskikh-kart-tatarstantsev-aferisty-sovershili-bolee-2-5-tysyachi-krazh/">кылган</a> дип хәбәр итте. </p>

2023-05-19T14:55:10+0300