Казан пенсионеры мошенникларның «резерв счетына» 600 мең сумга якын акча күчергән

Казан пенсионеры мошенникларның «резерв счетына» 600 мең сумга якын акча күчергән

<p> </p> <div class="detail-picture"> <img src="https://kzn.ru/upload/iblock/814/MMB_3867-870.jpg"> <p class="detail-picture__caption"> Фото: Марат Мөгыйнов </p> </div> <p> (Казан шәһәре KZN.RU, 20 нче июль). Татарстан башкаласында чираттагы телефон мошенниклыгы очрагы теркәлгән. 72 яшьлек ханым, җинаятьчеләргә ышанып, «резерв счетына» 600 мең сумга якын акча күчергән. </p> <p> Зыян күрүченең телефонына таныш булмаган кеше шалтырата һәм үзен банк хезмәткәре дип таныштыра. Аферист җинаятьчеләрнең ханымның банк счетыннан акча урларга маташулары хакында сөйли. Аның сүзләренә караганда, акчаны саклап калу өчен, барлык акчаларны да банкның «резерв счетына» күчерергә кирәк була. Мошенникка ышанып, хатын барлык күрсәтмәләрне дә үтәгән һәм 590 мең сум акча күчергән. </p> <p> «Мәскәү» полиция бүлегендә РФ Җинаять кодексының 159 нчы маддәсенең 3 нче бүлеге тарафыннан каралган «Мошенниклык» җинаять билгеләре буенча җинаять эше кузгатылган, дип хәбәр иттеләр Россия Эчке эшләр министрлыгының Казан буенча идарәсе матбугат хезмәтендә. </p> <p> Мошенниклык очраклары ешаю сәбәпле, Россия Эчке эшләр министрлыгы халыкны игътибарлы булырга чакыра. Телефоныгызга шалтыратып туганнарыгыз турында мәгълүмат җиткерүче билгесез затларга ышанырга ашыкмагыз. </p> <p> Шулай ук банк картасыннан акча урлау очракларын булдырмас өчен, счетның торышы турында хәбәр итә алган бердәнбер оешма – ул аңа хезмәт күрсәтүче банк икәнен истә тотарга кирәк. </p> <p> Әгәр карта белән ниндидер операцияләр үткәрелә дигән шик булса, аны блокировкалау турында СМС-хәбәр килсә, кичекмәстән банкка мөрәҗәгать итәргә кирәк. Банкның клиент хезмәте телефоны, гадәттә, картаның икенче ягында күрсәтелә. СМС-хәбәрдә күрсәтелгән номерларга шалтыратып, хәбәр юлларга кирәкми, моның өчен өстәмә түләү алынырга мөмкин. </p>

2022-07-20T12:48:16+0300