Казан Дәүләт автоинспекциясе җәяүлеләрне бәрдерү очракларының шаһитларын эзли

Юл-транспорт һәлакәте Белинский һәм Коләхмәтов урамнарында булган, машина йөртүчеләр һәлакәт урыныннан качкан.

Фото: Марат Мөгыйнов

(Казан шәһәре KZN.RU, 15 нче июнь). Казан Дәүләт автоинспекциясе Белинский һәм Коләхмәтов урамнарында булган юл-транспорт һәлакәтләренең шаһитларын эзли.

14 нче июньдә 11:30 сәгатьтә Белинский урамы буенча Челюскин урамы ягыннан Таймыр урамы юнәлешендә 18 нче йорт янында хәрәкәт иткәндә билгесез автомобиль йөртүчесе 62 яшьлек хатын-кыз җәяүлене бәрдерә, шуннан соң вакыйга урыныннан кача. Зыян күрүче төрле дәрәҗәдәге җәрәхәтләр ала. Хастаханәдә аңа медицина ярдәме күрсәтелә һәм өенә озаталар.

Шул ук көнне 15:25 сәгатьтә Коләхмәтов урамы буенча 22 нче номерлы йорт янындагы ишегалдында билгесез машина йөртүчесе куркынычсыз тизлек сайламаган һәм 20 яшьлек кызны бәрдергән, шуннан соң юл-транспорт һәлакәте урыныннан качкан. Зыян күргән ханым төрле дәрәҗәдәге җәрәхәтләр алган һәм медицина ярдәме күрсәтелгәннән соң өенә озатылган.

Казан Дәүләт автоинспекциясе юл-транспорт һәлакәте шаһитларыннан түбәндәге телефон аша элемтәгә чыгуларын сорый: +7(843)533-38-19, +7(843)533-38-48.

Эчке эшләр министрлыгының ТР буенча ЮХИДИ бүлеге мәгълүматы буенча, республикада үткән тәүлектә 80 юл-транспорт һәлакате
теркәлгән, аларның 9 ында зыян күрүчеләр бар, 12 се төрле дәрәҗәдәге тән
җәрәхәте алган.

Шулай ук укыгыз

Барлык яңалыклар