«Казаноргсинтез» әйләнә-тирә мохиткә йогынтыны бәяләү буенча җәмәгать фикер алышуларын үткәрәчәк

Оешма реакторларның берсен рекуперация системасы белән җиһазландырып модернизацияләргә ниятли.

(Казан шәһәре KZN.RU, 26-нчы апрель). «Казаноргсинтез» гавами акционерлык җәмгыяте реакторларның берсен рекуперация системасы белән җиһазландырып модернизацияләргә ниятли. Шуның белән бәйле рәвештә оешма Казанның Киров һәм Мәскәү районнары администрациясе белән берлектә әйләнә-тирәлеккә йогынты ясауны бәяләүне уздыруның башлануы һәм ниятләнгән хуҗалык эшчәнлеге буенча җәмәгать фикер алышуларының башлануы турында хәбәр итә.

«Казаноргсинтез» оешманың төп сәнәгать мәйданчыгы территориясендә урнашкан түбән басымлы полиэтилен җитештерү заводында «В» реакторын рекуперация системасы белән җиһазландырып модернизацияләргә ниятли. Эшләрнең генераль заказчысы - «Казаноргсинтез» гавами акционерлык җәмгыяте, проектчысы (әйләнә-тирәлеккә йогынты ясауны бәяләү һәм ПД эшләүчесе) - Казан милли тикшеренү технология университеты югары белем бирү федераль дәүләт бюджет мәгариф учреждениесенең «Союзхимпромпроект» проект институты. Иҗтимагый фикер алышуларны оештыру өчен җаваплы орган: Казан шәһәренең Киров һәм Мәскәү районнары администрациясе.

Әйләнә-тирәлеккә йогынтыны бәяләүне уздыруның якынча вакыты: 2019 елның апрель-октябрь айлары.

Иҗтимагый фикер алышулар 2 этапта үткәрелә. Беренче этап - әйләнә-тирәлеккә йогынтыны бәяләүне үткәрүгә техник бирем проекты буенча җәмәгатьчелек фикер алышуы (алар 2019 елның 30-нчы маенда В.П.Лушников исемендәге Казан нефть химиясе көллиятендә түбәндәге адрес буенча узачак: Казан, Гудованцев ур., 23). Икенче этап - әйләнә-тирәлеккә йогынтыны бәяләү материаллары буенча иҗтимагый фикер алышу. Икенче этап буенча җәмәгать фикер алышуларын уздыру датасы – 2019 елның 22-нче августы, В.П.Лушников исемендәге Казан нефть химиясе көллиятендә (Казан, Гудованцев ур., 23).

Иҗтимагый фикер алышуларның икенче этабы нәтиҗәләре буенча, әйләнә-тирәлеккә йогынтыны бәяләү материаллары кергән искәрмәләр һәм аңлатмалар буенча төгәлләштерелергә мөмкин.

Ниятләнгән эшчәнлекнең әйләнә-тирә мохиткә йогынты ясауны бәяләүне үткәрүгә техник бирем проекты «Казаноргсинтез» гавами акционерлык җәмгыятенең интернет-сайтында урнаштырылган.

Җәмәгатьчелек тәкъдимнәрен һәм искәрмәләрен теркәү өчен журналлар «Казаноргсинтез» гавами акционерлык җәмгыятенең 1001 корпусының 1-нче катында түбәндәге адрес буенча урнашкан: Казан, Беломорская ур., 101. Әйләнә-тирә мохиткә йогынты ясауны бәяләүне үткәрүгә техник биремгә бәйле булган комментарийларны һәм тәкъдимнәрне ecologia@kos.ru электрон почтасына һәм түбәндәге адрес буенча җибәрергә мөмкин: 420051, Татарстан Республикасы, Казан шәһәре, Беломорская ур., 101 йорт, яки телефоннар буенча хәбәр итә аласыз: 8 (843) 533-93-88 – «Казаноргсинтез» гавами акционерлык җәмгыятенең экология бүлеге; 8 (843) 533-98-64 – түбән басымлы полиэтилен җитештерү заводы баш инженеры урынбасары.

Шулай ук укыгыз

Барлык яңалыклар