Казанлы мошенникларга автомобиль өчен залог буларак 10 мең сум акча күчергән

Ир-ат машина сату турындагы белдерүне бер сайтта тапкан

Фото: Денис Гордийко

(Казан шәһәре KZN.RU, 31 нче июль). Казанда яшәүче ир-ат, мошенникларга ышанып, 10 мең сум акчасын югалткан.

Сайтларның берсендә ир-ат машина сату турында отышлы тәкъдим тапкан. Ул сатучы белән килешү шартлары турында сөйләшкән һәм күрсәтелгән банк счетына 10 мең сум күләмендә залог күчергән, дип хәбәр иттеләр Россия Эчке эшләр министрлыгының шәһәр буенча идарәсе матбугат хезмәтендә.

Акча алгач, сатучы телефонын сүндерә һәм элемтәгә чыкмый башлый. Алдаганнарын аңлагач, зыян күрүче полиция хезмәткәрләренә ярдәм сорап мөрәҗәгать итә. Хәзер хокук саклау органнары хезмәткәрләре җинаятьчеләрне эзли.

Шулай ук укыгыз

Барлык яңалыклар