Казанлы автомобиль тәгәрмәчләре сатып алганда мошенникларга 10 мең сум акча күчергән

Товар сату турындагы белдерүне ул интернетта тапкан

Казанда яшәүче мошенникларның хәйләләренә эләккән һәм 10 мең сум акчасын югалткан. «Япеев» полиция бүлеге хезмәткәрләре шикләнелүчене тоткарлаган.

Тикшерү барышында 45 яшьлек казанлының бушлай белдерүләр сайтында автомобиль тәгәрмәчләрен сату турында отышлы тәкъдим табуы һәм товар сатып алырга карар кылуы ачыкланган. Зыян күрүче сатучының күрсәтелгән хисап язмасына 10 мең сум күчергән. Заказны алмагач, ир-ат гариза белән «Япеев» полиция бүлегенең дежур частена мөрәҗәгать иткән.

Полиция хезмәткәрләре яшәү урыны буенча 33 яшьлек аферачыны тоткарлаган. Ул үз гаебен таныган. Аңа карата РФ Җинаять кодексының 159 маддәсе, «Мошенниклык» буенча җинаять эше тикшерелә. Хәзерге вакытта җинаятьче читкә китмәү һәм тиешле тәртиптә булуы турында язылу астында, дип хәбәр итте Россия Эчке эшләр министрлыгының Казан буенча идарәсе матбугат хезмәте.

Җинаять корбаны булмас өчен, чит кешеләрдән килгән мәгълүматны яңадан тикшерергә кирәк. Билгесез хисапларга акча күчерергә ярамый.

Шулай ук укыгыз

Барлык яңалыклар