Казанлы Илья Шикшин го уены буенча турнирда җиңү яулады

Ярышларда Татарстан һәм илнең башка төбәкләреннән 36 спортчы катнашты.

Фото: Марат Мөгыйнов

(Казан шәһәре KZN.RU, 17 нче май). Казанлы Илья Шикшин В.Шикшинның II Мемориалында җиңүче булды.

Турнир Казанда узды, ярышларда Татарстан һәм илнең башка төбәкләреннән 36 спортчы катнашты. Уеннар өч номинациядә үткәрелде. Ир-атлар арасында беренче урын иясе Илья Шикшин булды, икенче урынны Роман Гатауллин яулады, өченче урынны Илдар Әлмөхәммәтов алды, дип хәбәр итә ТР го федерациясе матбугат хезмәте.

Хатын-кызлар арасында алтын медальне Екатерина Тощевикова яулады, көмешне Ләйлә Мөдәрисова алды, бронза медальгә Руслана Гыймадиева лаек булды. 20 яшькә кадәрге яшүсмерләр арасында беренче урынны Артур Гыймадиев һәм Әскәр Хөсәенов бүлеште, өченче урынны Руслан Тарасов алды.

Ярышлар 14 нче һәм 15 нче май көннәрендә Р.Нәҗметдинов исемендәге Республика шахмат, шашка һәм го спорт мәктәбендә узды.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар