В целях анализа посещаемости и улучшения работы портала мы используем сервис «Яндекс.Метрика». Оставаясь на нашем портале, Вы выражаете свое согласие на обработку Ваших данных указанным сервисом.
Ярышлар Калугада узды, спортчы копилкасында берьюлы берничә медаль бар.
Фото: Физик культура һәм спорт комитеты
(Казан шәһәре KZN.RU, 11 нче июль). Казан спортчысы Даниел Маринов, борысларда ясалган күнегүләр буенча иң яхшы нәтиҗә күрсәтеп, спорт гимнастикасы буенча Россия Кубогында алтын медаль яулады.
Әлеге ярышлардан спортчы копилкасында берничә медаль бар: ул берничә ярышны берләштергән дисциплинада һәм таянып сикерү буенча – икенче урынны, шулай ук ирекле күнегүләр һәм «ат»та күнегүләр өчен өченче урынны алды.
Спорт гимнастикасы буенча ил Кубогы 6 нчы июльдән 10 нчы июльгә кадәр Калугада узды. Җиңүчеләрне һәм призерларны Россия спорт министры Олег Матыцин бүләкләде, дип хәбәр иттеләр Казанның Физик культура һәм спорт комитетында.
Даниел Маринов тренерлар Радик Курмангалин һәм Мария Синцова җитәкчелегендә «Беренче» Олимпия резервы спорт мәктәбендә шөгыльләнә. Моңа кадәр Казан гимнасты турникта күнегүләр башкару буенча Россия чемпионы булды, ярышлар 6-17 нче апрельдә ТР башкаласында узды.