Казан шәһәр округларында идарә нәтиҗәлелеге рейтингында беренче урында тора

Казан шәһәр округларында идарә нәтиҗәлелеге рейтингында беренче урында тора

<p> (Казан шәһәре KZN.RU, 27-нче июль). Казан шәһәр округларында идарә нәтиҗәлелеге рейтингында беренче урында тора. Тикшеренү барышында идарә органнарының эшчәнлеге нәтиҗәләре, шәһәрләрдә социаль-икътисади хәл бәяләнде.<br> </p> <p> Рейтинг Югары икътисад мәктәбенең төбәк сәяси тикшеренүләр лабораториясе һәм Сәяси һәм икътисади багланышлар агентлыгы тарафыннан төзелде. Ул экспертлар бәяләре һәм статитстик мәгълүматлар синтезын тәшкил итә. Әлеге рейтингта шәһәр хакимияте эшчәнлегенә бәяләр бирелгән. Ул Сәяси һәм икътисади багланышлар агентлыгы сайтында басылып чыкты. Аның нәтиҗәләрен шулай ук “Бюджет” финанс-икътисади журналы да бастырды. </p> <p> Шәһәрләр ике блокта бәяләнде – сәяси-идарә һәм социаль-икътисади. Татарстан башкаласы сәяси-идарә блогында беренчелекне алды, ә социаль-икътисади блокта, Ханты-Мансийскины уздырып, икенче урында тора. </p> <p> Казаннан соң – Төмән, ә өченче урында Ростов-на-Дону тора. Беренче бишлеккә шулай ук Ханты-Мансийск һәм Грозный керә. Икенче бишлектә – Саранск, Салехард, Калуга, Сочи һәм Уфа. </p>

2018-07-27T10:36:41+0300