Казан беренче тапкыр Fete de la Musique халыкара музыкаль фестивалендә катнашачак

Бу көнне бөтен дөнья буйлап бик күп концертлар үтә.

(Казан шәһәре KZN.RU, 20-нче июнь). Казан беренче тапкыр Халыкара Fete de la Musique музыкаль фестивалендә катнашачак, ул ел саен 21-нче июньдә - елның иң озын көнендә уздырыла.

Бу көнне бөтен дөнья буйлап бик күп концертлар үтә. Артистлар паркларда, скверларда һәм мәйданнарда ачык һавада катнашучылар белән очраша. Үзенең утыз еллык тарихында фестиваль 340 шәһәр һәм 100 илдән музыкантларны берләштергән.

Быел COVID-19 пандемиясе белән бәйле чикләүләр күп кешеләр катнашында чаралар үткәрергә мөмкинлек бирми, шуңа күрә музыка бәйрәме форматы 12 сәгатьлек глобаль онлайн-концертка трансформацияләнде. Анда дөньяның 25 шәһәреннән, шул исәптән Казан, Глазго (Бөекбритания), Мангейм һәм Ганновер (Германия), Брно (Чехия), Богота (Колумбия), Аделаидлар (Австралия) коллективларының катнашуы планлаштырылган, дип хәбәр итә оештыручылар.

Казанны фестивальдә «Казан» бию ансамбле тәкъдим итә. Артистлар татар халкы тарихы турында сөйли торган «Казан хәзинәләре» дигән көчле тамашаның фрагментларын күрсәтәчәкләр.

Fete de la Musique-2020 фестивале изоляция чорында үз музыкасы белән уртаклаша һәм үз тыңлаучылары белән аралаша алмаган артистларга ярдәм итәргә тиеш.

Концертны трансляцияләү 21-нче июньдә 13.00 сәгатьтә башлана һәм бер үк вакытта берничә платформада узачак. Youtubeта аны сылтама буенча карап булачак.

Фестивальне ЮНЕСКО иҗат шәһәрләре челтәре музыкаль кластеры оештыра. Казан чарада 2019 елдан бирле катнаша.

Шулай ук укыгыз

29.04.2025, 17:56

Татарстанда 23 м/с ка кадәр көчле җил көтелә
29.04.2025, 17:11

Сак булыгыз, талпаннар! Яз башыннан Татарстанда 864 талпан тешләве теркәлгән
29.04.2025, 16:43

Казанда Копылов урамында транспорт хәрәкәтен өлешчә чикләячәкләр
29.04.2025, 16:02

Казанга «Җиңү поезды» мемориаль составы киләчәк

Барлык яңалыклар