Казан гастротуризм өчен Россия шәһәрләре рейтингын җитәкләде

Сораштыруда катнашучыларның яртысы диярлек Татарстан башкаласын сайлаган.

Фото: Казан шәһәре KZN.RU

(Казан шәһәре KZN.RU, 25 нче август). Казан гастрономик сәяхәт өчен Россиянең иң яхшы шәһәре булды. Сораштыруда катнашучыларның 47% ы Татарстан башкаласы өчен тавыш бирде, сораштыруны эш эзләү сервисларының берсе үткәргән. Топ-3 рейтингына шулай ук Әстерхан (39%) һәм Сочи (31%) кергән.

Төбәктә гадәти булмаган милли кухня булу гастротуризм өчен шәһәрләр рейтингын төзегәндә төп критерий булды, аны респондентларның 57% билгеләп үтте. Сораштырылучыларның 39% ы яңа балык һәм диңгез продуктлары өчен сәяхәткә чыгарга әзер. Тикшеренүдә катнашучыларның 30% ы өчен яңа җиләк-җимеш һәм яшелчәләр булу мөһим булып чыкты, ә 23% е өчен – ресторан культурасы, җирле фермер ит һәм сөт продуктлары һәм деликатеслары, дип хәбәр итә сервис матбугат хезмәте.

Сораштыруда катнашучыларның 20% ы җирле гореф-гадәтләрне һәм милли ризыкларны өйрәнергә тели. Респондентларның 19% ы милли камыр ризыклары белән кызыксына. Танылган шеф-пешекчеләр өчен регионга россиялеләрнең 11% ы килергә әзер, ә сораштырылучыларның 9% ы гадәти булмаган ашамлыкларны өйрәнергә тели.

Шулай ук топ-10 га Пятигорск һәм Минераль сулар (26%), Владивосток (26%), Краснодар (25%), Санкт-Петербург (23%), Калининград (19%) һәм Россиянең Алтын боҗрасы шәһәрләре (15%) кергән. Лидерлар унлыгын Мәскәү (13%) йомгаклый.

Тикшеренү 2022 елның июлендә илнең барлык округларында үткәрелде. Сораштыруда 18 яшьтән олырак булган 3,2 мең кеше катнашты.

Шулай ук укыгыз

Барлык яңалыклар