Казан туристлар арасында җәйге сәяхәтләр өчен иң популяр өч шәһәр исемлегенә керде

Лидерлар арасына шулай ук Мәскәү һәм Санкт-Петербург кергән.

(Казан шәһәре KZN.RU, 14-нче май). Казан туристлар арасында җәйге сәяхәтләр өчен иң популяр өч шәһәр исемлегенә керде. Рейтинг 1 июньнән 31 августка кадәр аралыкта шәхси секторда торак эзләү һәм броньлау мәгълүматлары буенча төзелгән.

Россиянең сәяхәт һәм ял итү өчен кунакханәләр, фатир һәм йортларны онлайн-броньлау Tvil.ru сайты мәгълүматлары буенча, Казан кунаклары торак өчен бер тәүлеккә уртача 3090 сум түли. Сүз уңаеннан, рейтингта футбол буенча дөнья чемпионатын оештыручы шәһәрләр алда бара, анда торак бәясе, узган елгы белән чагыштырганда, 20 процентка арткан. Кара диңгез буенда һәм Балтикада урнашкан шәһәрләр рейтингка кермәгән.

Лидерлар өчлегенә шулай ук Мәскәү (тәүлеккә 4400 сум) һәм Санкт-Петербург (тәүлеккә 3480 сум) кергән.

Шулай ук укыгыз

Барлык яңалыклар