Казан балалар белән яңа ел каникулларында ял итү өчен иң популяр шәһәрләр өчлегенә керде

Туристлар балалар белән Татарстан башкаласына уртача өч төнгә яңа ел сәфәрләрен планлаштыра.

(Казан шәһәре KZN.RU, 24-нче декабрь). Казан балалар белән яңа ел каникулларында ял итү өчен иң популяр шәһәрләр өчлегенә керде. Рейтингта Татарстан башкаласын Санкт-Петербург һәм Мәскәү генә узып киткән. Бу чорда иң кирәкле шәһәрләр бишлегенә Петрозаводск һәм Түбән Новгород кергән.

Туристлар балалар белән Казанга уртача өч төнгә яңа ел сәфәрләрен планлаштыралар. Иң озак сәяхәтләр Санкт-Петербургка планлаштырылган, ә Түбән Новгородны сайлаучыларны иң кыска сәяхәтләр көтә, дип хәбәр итә Россия торак броньлау сервисы Tvil.ru.

Рейтинг 2019 елның 27 декабреннән 8 гыйнварына кадәр балалар белән кунакханәләр һәм апартаментлар броньлары күрсәткечләре буенча әзерләнде.

Шулай ук укыгыз

Барлык яңалыклар